16 қазанда Жоғары білімді дамытудың ұлттық орталығы Адам ресурстарын дамыту орталығымен және ХҚАЖДМ Ақпараттық технологиялар индустриясын дамыту департаментімен бірлесе отырып, IT саласындағы кадрларды даярлаудың өзекті мәселелері бойынша семинар өткізді.

Семинарға еліміздің ақпараттық-коммуникациялық технологиялар саласында білім беретін жоғары оқу орындарының 130-дан астам өкілдері қатысты.

Семинар барысында кәсіби стандарт және оның құрылымы, Career Enbek цифрлық платформасы, білім беру бағдарламаларын әзірлеуде ақпараттық технологиялар саласындағы кәсіби стандарттарды қолдану, сонымен қатар білім беру саласындағы білім беру бағдарламаларын талдау сияқты мәселелер талқыланды.

Сонымен қатар, семинар материалдарымен Жоғары білім беруді дамыту ұлттық орталығының сайтында танысуға болады.